AQShning Arton Capital konsalting firmasi jahonning eng kuchli pasportlari, ya’ni, egasiga vizasiz kirish huquqini beruvchi mamlakatlar soni eng ko‘p bo‘lgan pasportlar reytingini tuzdi. Reyting Xalqaro havo transporti agentligi (IATA) va boshqa manbalarning ma’lumotlari asosida tuzilgan.
Passport Power Rank reytingida O‘zbekiston pasporti 64-o‘rinni egalladi — O‘zbekiston fuqarolari jahonning 53 mamlakatiga vizasiz kirishi yoki o‘sha mamlakatlarga borishi bilan viza olishi mumkin. Rossiya reytingda 36-o‘rindan joy olgan, Ukraina 38, Belarus 52, Qozog‘iston 53, Ozarbayjon 57, Qirg‘iziston 63, Tojikiston 64 (O‘zbekiston bilan birga), Turkmaniston esa 70-o‘rinni egallagan.
BMTning 193 a’zosi va 9 hududni qamrab olgan reytingda 1-o‘rinni AQSh va Buyuk Britaniya egalladi. Mazkur mamlakatlarning fuqarolari jahonning 147 mamlakatiga vizasiz kira oladi. Egalari 145 mamlakatga vizasiz kira oladigan Fransiya, Janubiy Koreya va Germaniya pasportlari esa reytingda ikkinchi bo‘ldi.
Izoh (0)