Hindiston qirg‘oqlari yaqinida milliy harbiy-dengiz kuchlarining kateri cho‘kib ketdi

Hindiston harbiy-dengiz kuchlarining 15,6 metr uzunlikdagi tutuvchi kateri bortida yuz bergan yong‘indan so‘ng, Chennai shahri sohillarida cho‘kib ketdi. Bu haqda The Hindu nashri ma’lumotiga tayanib, “RBK” xabar beradi.

Uning bortida olti kishi bo‘lgan, ulardan hech biri jabrlanmagan.

Hindiston harbiy-dengiz kuchlarining vakili kontr-admiral Alok Bxatnagarning nashrga ma’lum qilishicha, katerda yong‘in boshlangandan so‘ng, uning bortida bo‘lgan odamlar kater yaqinida suzib yurgan Hindistonning harbiy kemasiga suzib o‘tgan.

Bxatnagarning so‘zlariga qaraganda, olov kater korpusiga sezilarli darajada zarar yetkazgan va ekipajning harakatlariga qaramasdan, u cho‘kib ketgan. Hodisa yuzasidan tekshiruv o‘tkazilmoqda.