Qor tozalash mashinasining haydovchisi Total prezidenti samolyotining halokatidagi aybini tan oldi
Total neft kompaniyasi prezidenti Kristof de Marjerining o‘limiga olib kelgan Falcon samolyotining aviahalokati bo‘yicha ishda asosiy figurant bo‘lgan qor tozalash mashinasining haydovchisi Vladimir Martinenko oxirgi versiya bo‘yicha unga nisbatan e’lon qilingan ayblovni tan oldi. Bu haqda uning advokati Aleksandr Karabanovning ma’lumotiga tayanib, “Vedomosti” xabar beradi.
“Mening himoyam ostidagi Vladimir Martinenkoga oxirgi versiya bo‘yicha ayblov e’lon qilindi, u o‘zining aybini tan oldi. Biz unga nisbatan ishning alohida tartibda ko‘rib chiqilishini so‘rab, murojaat etamiz”, — dedi advokat.
Karabanov Martinenkoning sobiq hamkasblari aeroportda yerdagi xizmat xodimlarini tekshirish tartibi o‘zgarmaganligi haqida ma’lum qilganligini ta’kidlab o‘tdi. Martinenko qo‘shimcha tekshirish aviahalokatga olib kelgan vaziyatlarning yuzaga kelishining oldini olishi mumkinligini ma’lum qilgan.
Eslatib o‘tamiz, 2014-yilning 21-oktabrga o‘tar kechasi Moskvadagi Vnukovo aeroportida Fransiyaning Total neft-gaz kompaniyasi prezidentining samolyoti bilan to‘qnashib ketgan qor tozalovchi mashinaning haydovchisi mast holatda bo‘lgani aniqlangan edi.
