Qrim muxtor respublikasi prokuraturasi reklama kampaniyasida yarim orolni Rossiyaning bir qismi sifatida tasvirlagani uchun, Coca-Cola va Pepsi kompaniyalari mas’ul shaxslariga qarshi ish qo‘zg‘adi, deya xabar bermoqda “Korrespondent.net” Xalq frontidan xalq deputati Georgiy Logvinskiyga tayanib.
“Coca-Cola va Pepsi kompaniyalari xodimlari noqonuniy istilo omma oldida e’tirof etilishiga yo‘l qo‘yib berdi, bu davlatimiz manfaatlariga sezilarli darajada zarar yetkazdi… Tekshiruv natijalarini kutmoqdamiz”, — deb yozdi Logvinskiy Facebook sahifasida.
Eslatib o‘tamiz, dastlab Coca-Cola ijtimoiy tarmoqlarida Rossiya xaritasi Qrim, Kaliningrad viloyati va Kuril orollarisiz bo‘lgan. Bu xarita chop etilgani uchun kompaniya kechirim so‘ragan va shundan so‘ng tarkibiga Qrim qo‘shilgan Rossiya xaritasini e’lon qilgan. Bu esa yarimorolni bosib olingan deb hisoblaydigan ukrainaliklar noroziligiga sabab bo‘lgan. Oxir-oqibat Coca-Cola ijtimoiy tarmoqlardan xaritani o‘chirib tashlagan edi.
Izoh (0)