Yahudiylar G‘arbiy Yevropadan tarixiy vataniga qaytmoqda. Bu haqda Soxnut agentligi ma’lumotiga tayanib, “Korrespondent.net” xabar beradi.
2015-yilda Isroilga 9 800 nafar fuqaro qaytib kelgan, yana bir necha ming nafari Yevropa davlatlaridan boshqa mamlakatlarga ko‘chib ketgan.
Eng ko‘p yahudiy Fransiyadan ketib qolgan, undan keyingi o‘rinlarni Buyuk Britaniya (800 ga yaqin fuqaro), shuningdek, Belgiya va Italiya egallamoqda.
Soxnutning rahbari Natan Shcharanskiyning ta’kidlashicha, yahudiylarning G‘arbiy Yevropadan ommaviy ravishda ketib qolishi Yevropa Ittifoqi yetakchilarini sergaklashtirishi lozim. Uning fikricha, yahudiylarning ommaviy ravishda vataniga qaytishiga Yevropada yuzaga kelgan murakkab vaziyat sabab bo‘lmoqda.
Shcharanskiy yahudiylar o‘zlari uchun xavfsiz mamlakatlarni qidirayotganligini ma’lum qildi.
Izoh (0)