Yaponiyaning Doshisha universiteti biznes bo‘yicha magistratura maktabi (Doshisha Business School) Janubi-Sharqiy Osiyo xalqlari uyushmasi va Mustaqil davlatlar hamdo‘stligiga a’zo mamlakatlar, shuningdek, Rossiya fuqarolari uchun maxsus stipendiya dasturini e’lon qildi.
Stipendiya hamda safar xarajatlari Yaponiya ta’lim vazirligi tomonidan qoplanadi. Stipendiyani qo‘lga kiritgan talabalarga har oyda 144 ming iyena (taxminan 1230 dollar) stipendiya taqdim etiladi hamda ularning Yaponiyaga borish va o‘qishni bitirgach, o‘z mamlakatiga qaytib ketish xarajatlari to‘lanadi.
Shuningdek,ulardan Doshisha Business School’ga ariza berishda va kirishda undiriladigan to‘lov olinmaydi.
Stipendiyani qo‘lga kiritish uchun talabalikka da’vogarlar muayyan talablarga javob berishi kerak. Bu haqda batafsil ma’lumotni mana bu manba orqali olish mumkin: Stipendiya talablariga mos bo‘lsangiz, u holda 28-yanvarga qadar zarur hujjatlarni ko‘rsatilgan email manziliga jo‘natish zarur.
Izoh (0)