Wikipedia internet-ensiklopediyasiga egalik qiluvchi Wikimedia Foundation notijorat tashkiloti loyihani qo‘llab-quvvatlash uchun mablag‘ yig‘ishga qaratilgan xayriya jamg‘armasini tashkil qildi, deb yozadi “Korrespondent.net”.
2026-yilgacha tashkilot jamg‘arma orqali 100 million dollargacha mablag‘ yig‘moqchi. Jamg‘armaga kiritiladigan birinchi to‘lov AQShlik dasturchi Jim Pachaning 1 million dollar miqdoridagi xayriyasi bo‘ladi, u 2014-yilda vafot etgan, biroq o‘limi oldidan shu miqdordagi summani Wikipedia taraqqiyoti uchun topshirgan edi.
Bugun, 15-yanvar kuni 15 yilligini nishonlayotgan onlayn-ensiklopediya egalari vaqti-vaqti bilan mablag‘ to‘plash bo‘yicha kampaniyalar o‘tkazib turadi. Ular asosan internet orqali sayt foydalanuvchilari hisobiga amalga oshiriladi, ular ixtiyoriy ravishda o‘z mablag‘larini Wikipedia’ni qo‘llab-quvvatlash uchun ko‘chirib berishi mumkin. Shu yo‘l bilan Wikimedia Foundation o‘tgan dekabr oyidayoq 30 million dollar jalb qilishga muvaffaq bo‘ldi.
Izoh (0)