Mashhur odamlar bilan yonma-yon yashash yoqimli, ammo har doim ham qulay emas. Facebook rahbari Mark Sukerbergning qo‘shnilari uning qo‘riqchilariga tegishli jiplar hududdagi ikkita qo‘shimcha parkovka qilinadigan joyni egallab olishidan shikoyat qildi. Bu haqda Buzzfeed nashriga tayanib, “Hi-Tech Mail.ru” xabar qilmoqda.
Sukerberg o‘z oilasi bilan San-Fransiskodagi eng hashamatli tumanlardan biri Liberti-Xillda yashaydi. Dolores Park va boshqa qo‘shni tumanlarga odamlar dam olish uchun kelishi tufayli har bir parkovka joyi hisoblidir.
Milliarderning qo‘shnilari ochiq xat yozib, tuman aholisini Munitsipal transport departamenti va Facebook rahbarining turar-joylari bo‘yicha xavfsizlik menejeri Tim Vensel nomiga shikoyat jo‘natishga chaqirmoqda.
Facebook rahbarining rasmiy vakili qo‘riqlash xizmati vakillari qonunni buzmayotganini aytib, yuzaga kelgan noqulayliklar uchun uzr so‘radi. AQShda odatda avtomobilni uy yoniga qo‘yishadi, biroq yo‘ltanlamas mashinalar odatiy avtolardan uzunroq bo‘lgani sababli ular piyodalar yo‘lini to‘sib qo‘yishi mumkin.
Parkovka qilingan jipdagi qo‘riqchilar Sukerbergning qo‘shnilari bilan odob bilan muomala qiladi. Biroq rahbariyatning talabi bo‘yicha har qanday holatda ham avtomobilni boshqa yerga ko‘chirmasliklarini qayd etib o‘tishdi.
Izoh (0)