14-yanvarning muhim yangiliklari — “Daryo”ning kechki dayjestida.
1. Otabek Musayev “O‘zbekkino” bosh direktori etib tayinlandi. Biz Otabek Musayev o‘ynagan filmlar galereyasini tayyorladik — asosan xususiy kinostudiyalarning mahsulotlari to‘plandi.
2. Indoneziya poytaxtidagi portlashlar oqibatida qurbon bo‘lganlar soni 7 kishiga yetdi. Jakartadagi portlashlar — kunning eng muhim voqealaridan biri bo‘ldi. Jakarta bilan bog‘liq barcha yangiliklar — alohida xabarlar oqimida.
3. Toshkent shahrida yerosti silkinishlari sezildi. 2015-yilning oktabrida yil boshidan beri necha marta zilzila bo‘lgani haqida kattaroq material va zilzila o‘zi nimaligi haqida savol-javob tayyorlagandik. O‘shanda atigi olti zilzila haqida yozgandik. 2016-yilning eng birinchi oyining hali yarmi to‘liq tugamasidan, oltinchi zilzila yuz berib bo‘ldi.
4. Putin va Obama KXDRning vodorod bombasi sinoviga qat’iy reaksiya bildirishga chaqirdi. Shimoliy Koreyaning vodorod bombasidan keyin loyqalangan suv, baxtga qarshi, hali ham tingani yo‘q.
5. U-23 Osiyo chempionatining reglamentiga ko‘ra chorak finalga kimlar chiqadi? O‘zbekiston olimpiya terma jamoasi U-23 Osiyo chempionatini mag‘lubiyat bilan boshladi va, an’anaga ko‘ra, so‘nggi o‘yinning so‘nggi soniyalariga qadar keyingi bosqichga chiqish imkoniga ega bo‘ladi.
Izoh (0)