Rossiyaning Krasnoyarsk o‘lkasi shimolidagi Igarka shahri yaqinida Mi-8 vertolyotining halokatga uchrashi oqibatida qurbon bo‘lganlar soni 13 kishiga yetdi. Bu haqda 1-o‘lka shifoxonasi matbuot kotibi Irina Kochetkovaga tayanib, “RBK” xabar berdi.
Oldinroq halokatda 12 kishi nobud bo‘lgani bildirilgandi.
“Jonlantirish bo‘limiga yotqizilgan erkak o‘ta og‘ir holatda edi. Shifokorlar uni asrab qolish uchun kurashdi, afsuski, buning iloji bo‘lmadi”, — deya ta’kidlagan Kochetkova.
Matbuot kotibining aytishicha, vertolyot qulashida jarohat olganlardan yana uch nafari kasalxonada qolmoqda.
Izoh (0)