Arab davlatlari ligasi (ADL) Eronni terrorchilik guruhlarini qo‘llab-quvvatlash va mintaqada diniy asosdagi keskinlikni keltirib chiqarishda aybladi, deb yozadi “Korrespondent.net”.
10-yanvar kuni Qohirada bo‘lib o‘tgan uchrashuv yakunlari bo‘yicha e’lon qilingan qo‘shma bayonotda arab davlatlari tashqi siyosiy idoralari rahbarlari Saudiya Arabistonining Tehrondagi elchixonasiga qilingan hujumni qoraladi va Eron hukumatini boshqa davlatlar ichki ishlariga aralashmaslik haqida ogohlantirdi.
Qo‘shma bitimni faqat Livangina imzolashdan bosh tortdi, u yerda Erondagi kabi, shialar pozitsiyasi kuchlidir.
Eslatib o‘tamiz, Saudiya Arabistoni 3-yanvar, yakshanba kuni kechki payt Eron islom respublikasi bilan diplomatik aloqalar uzilganini e’lon qildi. Bu nufuzli shia ulamosi Nimr an-Nimr Saudiya Arabistoni hukumati tomonidan qatl etilgani bilan bog‘liq. Tehronda namoyishchilar shu munosabat bilan Saudiya Arabistoni elchixonasiga bostirib kirib, jihozlarni sindirgan va o‘t qo‘yishga uringan edi.
Izoh (0)