Germaniya kansleri Angela Merkel Kyolnda ayollarga nisbatan uyushtirilgan ketma-ket hujumlar tekshirilayotgan bir paytda Davosdagi Jahon iqtisodiy forumiga safarini bekor qildi, deb yozadi “RBK”.
31-dekabr kechasi Kyolnning bosh vokzali oldida 400—500 ga yaqin mast kishi to‘planib, ommaga pirotexnika vositalarini ota boshlagan. Ularning soni 1000 kishiga yetgandan so‘ng, politsiya vokzal oldidagi maydonni tozalagan. Bunga javoban erkaklar guruhlarga bo‘linib, ayollarga hujum qila boshlagan. Politsiyaga ayollarga nisbatan sodir etilgan jinoyatlar yuzasidan 121 ta ariza tushgan.
Politsiyaning so‘zlariga qaraganda, gumonlanuvchilar shimoliy afrikalik yosh yigitlar bo‘lib, ulardan 16 nafarining shaxsi aniqlangan. Biroq hozircha hibsga olinmagan.
Keyinroq Angela Merkel Kyolnda Yangi yil kechasi ayollarga nisbatan sodir etilgan ommaviy huquqbuzarliklar hech qanday shafqatga loyiq emasligini ma’lum qildi.
Izoh (0)