Janubiy Koreya razvedkasi KXDRda vodorodli portlash sodir bo‘lganini shubha ostiga oldi, deb yozadi “RIA Novosti”. U 6-yanvar, chorshanba kuni yadro sinovi natijasida yuz bergan zilzila magnitudasi yetarlicha kuchli emas deb hisoblaydi.
“Uchinchi sinov chog‘ida (2013-yil) portlash kuchi 7,9 kilotonnani, zilzila magnitudasi 4,9 ni tashkil etgan bo‘lsa, bu safar uning kuchi 6 kilotonna, magnituda esa 4,8 ga teng bo‘ldi”, — deya ta’kidladi Janubiy Koreya razvedkasi.
Avvalroq Yaponiya o‘z-o‘zini mudofaa qilish havo kuchlari KXDR markaziy televideniyesida mamlakatda vodorod bombasi sinovdan o‘tkazilgani haqida xabar berilgach, radioaktiv changni yig‘ish va radiatsiya foni monitoringini o‘tkazish uchun samolyot uchirishga tayyorlanayotgani aytilgan edi.
- Voqealar rivoji: KXDRning vodorod bombasi