Yaponiya KXDRdagi bomba sinovidan so‘ng monitoring o‘tkazish uchun samolyot tayyorlamoqda

Yaponiya o‘z-o‘zini mudofaa qilish havo kuchlari KXDR markaziy televideniyesida mamlakatda vodorod bombasi sinovdan o‘tkazilgani haqida xabar berilgach, radioaktiv changni yig‘ish va radiatsiya foni monitoringini o‘tkazish uchun samolyot uchirishga tayyorlanmoqda, deb yozadi “RIA Novosti”.

Bundan tashqari, Yaponiya hukumati mamlakatda radiatsiya foni o‘zgaradigan bo‘lsa, javob choralarini aniqlashtirish uchun favqulodda uchrashuv o‘tkazmoqda.

Avvalroq AQSh mudofaa vazirligi KXDRda yadro sinovlari o‘tkaziladigan poligon yaqinida zilzila sodir bo‘lgani haqidagi ma’lumotlarni o‘rganayotgani xabar berildi.

Eslatib o‘tamiz, KXDR vodorod bombasini sinovdan o‘tkazgani 6-yanvar kuni ma’lum bo‘ldi. Shimoliy Koreya shunday qurolga ega ekanligi haqida mamlakat yetakchisi Kim Chen In 2015-yil dekabr oyida e’lon qilgandi.

• Voqealar rivoji: KXDRning vodorod bombasi