Rossiya Tergov qo‘mitasining Yaroslavl viloyati bo‘yicha Tergov boshqarmasi Pesochnoye qishlog‘i ma’muriyati mansabdorlariga nisbatan jinoiy ish ochdi, deb xabar qiladi “RBK”.
Eslatib o‘tamiz, 2-yanvar kuni yuzaga kelgan yong‘in natijasida olti kishi qurbon bo‘ldi. Ularning orasida to‘rt nafar yosh bola ham bor.
Yong‘in sodir bo‘lgan yog‘ochdan qurilgan ikki qavatli, 1906-yilda qurilgan ko‘p xonadonli uy oldinroq yashash uchun yaroqsiz deb topilgan va bu yerda yashovchilar boshqa joylarga ko‘chirilishi kerak edi.
Tergov qo‘mitasi hujjatida qishloq ma’muriyati yong‘in xavfsizligining birinchi choralarini ko‘rishi kerakligi, biroq ular o‘z vazifasini kerakli ravishda bajarmagani odamlarning o‘limiga olib kelgani aytiladi.
Agar qishloq ma’muriyati xodimlaridan kimdir jinoiy beparvolikda aybdor deb topilsa, yetti yilgacha ozodlikdan mahrum qilinishi mumkin.
Izoh (0)