Change.org saytida Rossiya prezidenti Vladimir Putin ma’muriyatiga yo‘naltirilgan petitsiya paydo bo‘ldi, unda Primorye safari bog‘idagi yo‘lbars Amur va echki Timurning do‘stlik hikoyasini kadrlarga muhrlash taklif qilindi, deb yozadi “RIA Novosti”.
Murojaat muallifi Oleg Kojegudov jonivorlar suratlarini ijtimoiy reklamada qo‘llashni tavsiya etmoqda. “Bizning shafqatsiz zamonamizda mehr-muhabbat targ‘iboti juda zarur”, — dedi petitsiya tashabbuskori. Uni hozirgacha 90 kishi imzoladi.
28-dekabr kuni Primorye safari bog‘i direktori yo‘lbars Amur va echki Timur hayoti haqida realiti-shou qo‘yilishini e’lon qildi. Jonivorlar hayotini internet orqali kuzatish mumkin bo‘ladi.
Avvalroq echki Timur va yo‘lbars Amurning xulqi keyingi vaqtlarda biroz o‘zgarib, birgalikda kam vaqt o‘tkazadigan bo‘lgani xabar berilgan edi.
Eslatib o‘tamiz, mashhur bo‘lib ketgan do‘stlar – yo‘lbars Amur va echki Timurning ijtimoiy tarmoqlardagi shaxsiy sahifalari, internet-do‘koni va alohida latifalar sahifasi ochilgan edi.
Izoh (0)