Rossiyaning “Krasnodar” klubi Odil Ahmedov bilan yangi shartnoma tuzdi. Bugun, 26-dekabr kuni imzolangan yangi kelishuvga ko‘ra, O‘zbekiston milliy terma jamoasi sardori “qora-yashillar” sharafini 2019-yilgacha himoya qiladi. Bu haqda klub matbuot xizmati xabar bermoqda.
Odil Ahmedov “Krasnodar”ga 2014-yilning iyun oyida Maxachqal’aning “Anji” jamoasidan o‘tgandi. Ortda qolgan vaqt mobaynida u “Krasnodar” safida 63 ta rasmiy o‘yinda ishtirok etdi, 5 ta to‘p kiritib, 10 ta golli pas berdi.
Eslatib o‘tamiz, Ahmedov o‘tgan mavsumda “Krasnodar”ning eng yaxshi futbolchisiga aylangan.
Izoh (0)