Janubiy Amerika futbol konfederatsiyasi (KONMEBOL)ning sobiq prezidenti va Xalqaro futbol federatsiyasi (FIFA)ning sobiq vitse-prezidenti urugvaylik Euxenio Figeredo poraxo‘rlik va mablag‘lardan noqonuniy foydalanishda aybini tan oldi. Bu haqda prokuror Xuan Gomes ma’lum qildi, deya xabar beradi “TASS”.
Figeredo 24-dekabr, payshanba kuni Shveysariyadan Urugvayga ekstraditsiya qilingan. Unga FIFAdagi korrupsiya ishi doirasida firibgarlik va mablag‘dan noqonuniy foydalanish aybi qo‘yilgan. Sobiq mansabdorga 2 yildan 15 yilgacha bo‘lgan qamoq jazosi tayinlanishi mumkin.
Urugvayning El comercio nashri ma’lumotlariga ko‘ra, ayblanuvchining yoshi (83 yosh) va salomatligi bilan bog‘liq ko‘plab muammolar tufayli sud uni uy qamog‘ida saqlash imkoniyatini ko‘rib chiqqan, biroq ayblanayotgan jinoyatlari og‘irligidan kelib chiqib, qamoqda qoldirishga qaror qilgan.
Figeredo 1997—2006-yillarda Urugvay futbol assotsiatsiyasini, 2013—2014-yillarda KONMEBOLni boshqargan, 2014-yildan FIFA vitse-prezidenti lavozimini egallab kelayotgandi. U 27-may kuni Syurixda qo‘lga olingan.
Izoh (0)