Toshkentdagi Mustaqillik maydoni, Chilonzor tumani Algoritm dahasidagi Roison Elektronics korxonasi oldi hududi va Xadra maydonida 28-dekabrdan e’tiboran katta bayram tantanalari bo‘lib o‘tadi, deya xabar bermoqda poytaxt hokimligi rasmiy sayti.
Hozirda har uch manzilda archalarni o‘rnatish, savdo shoxobchalari va turli attraksionlarni joylashtirish ishlari avjida.
“Mustaqillik va ezgulik” arkasi oldida shu hafta yakuniga qadar yasatib bo‘lishi rejalashtirilayotgan archaning bo‘yi 26, diametri 9 metrni tashkil qiladi. Archa 1800 dona o‘yinchoq hamda “Toshshaharnur” DUK tomonidan chiroqlar marjoni (girlyanda) bilan bezatiladi. Shuningdek, maydonda 24 ta bezatilgan savdo va 15 ta yengil savdo shoxobchalari xizmat ko‘rsatadi.
Izoh (0)