“O‘zbekiston pochtasi” AJ tomonidan tayyorlanib, O‘zbekiston Respublikasi axborot texnologiyalari va kommunikatsiyalarini rivojlantirish vazirligi tomonidan 2015-yil 14-dekabridan “Regionlar. Jizzax viloyati” nomli pochta markalari turkumi muomalaga kiritildi. Bu haqda “O‘zbekiston pochtasi” rasmiy sayti xabar bermoqda.
“Regionlar. Jizzax viloyati” pochta markalari turkumi zanjir ko‘rinishida chop etilgan. Turkum 2 ta pochta markasi va oraliqda joylashgan kupondan iborat.
Pochta markalarida Jizzax viloyatining zamonaviy inshooti va ko‘li tasvirlangan. Kuponda viloyatning geografik xaritasi hamda tashkil topgan yili, maydoni, aholisi soni va viloyat markazi ko‘rsatilgan.
Pochta markalari bir necha rangda ishlangan. Ofset usulida bosilgan. Perforatsiyasi taroqsimon. Qog‘ozi oq silliq. Pochta markalarining o‘lchami 42×30 mm. Adadi 10 ming nusxa.
Identifikatsiya raqamlari berilgan va nominallari o‘rnatilgan.
Izoh (0)