23-dekabr, chorshanba kuni O‘zbekiston Respublikasi Tashqi ishlar vazirligida Niderlandiya qirolligi tashqi ishlar vazirligining Yevropa departamenti direktori Dafne Bergsma boshchiligidagi delegatsiya bilan uchrashuv bo‘lib o‘tdi. Bu haqda vazirlik matbuot xizmati xabar bermoqda.
O‘zbekiston—Niderlandiya siyosiy maslahatlashuvlarining birinchi raundi doirasida turli sohalardagi hamkorlikni mustahkamlashga oid masalalar batafsil muhokama qilindi. Uchrashuvda tomonlarni qiziqtirgan xalqaro va mintaqaviy muammolar yuzasidan ham fikr almashildi.
Oldinroq Niderlandiya tomoni O‘zbekiston Oliy Majlisi Senati va Tashqi iqtisodiy aloqalar, investitsiyalar va savdo vazirligida ham muzokaralar o‘tkazgandi. Ushbu muzokaralar davomida parlamentlararo aloqalarning hozirgi holati, rivojlantirish istiqbollari, savdo-iqtisodiy va investitsiya sohalaridagi hamkorlikni kengaytirish, xususan, O‘zbekiston iqtisodiyotiga ilg‘or texnologiyalar jalb qilish va qo‘shma ishlab chiqarishni yo‘lga qo‘yish to‘g‘risida so‘z yuritildi.
Izoh (0)