UNCITRAL xalqaro arbitraj sudi Oxus Gold kompaniyasining (Buyuk Britaniya) O‘zbekiston hukumatiga qarshi da’vosini rad etdi. Bu haqda “Gazeta.uz” xabar bermoqda.
2011-yilda O‘zbekiston hukumati korxonani rivojlantirish dasturi va oltin ishlab chiqarishni ko‘paytirishning samaradorligi pastligi tufayli Oxus Gold 50% ulushga ega bo‘lgan “Amantaytau Goldfildz” qo‘shma korxonasini tugatish to‘g‘risida qaror qabul qildi. 2013-yili Oxus Gold xalqaro arbitrajga hukumatning mazkur qaroriga qarshi da’vo kiritdi. Britaniya kompaniyasi, shuningdek, hukumatning 2006-yili Xandiza konidagi qazish ishlariga eksklyuziv huquqdan mahrum etish qaroriga nisbatan ham da’vo kiritgandi. Ushbu kon o‘sha yilning o‘zida Olmaliq tog‘-metallurgiya kombinati ixtiyoriga berildi. Oxus Gold ko‘rilgan zararni 400 million dollar baholadi.
21-dekabr, dushanba kuni arbitraj sudi Oxus Gold’ning “Xandiza” loyihasi bo‘yicha da’vosini to‘liq rad etdi. Shuningdek, kompaniyaning “Amantaytau Goldfildz” qo‘shma korxonasi yuzasidan da’vosi ham qanoatlantirilmadi.
Izoh (0)