O‘zbekiston shaharlarini bombardimon qilmoqchi bo‘lgan AQSh, imperialist Rossiya, futboldan ketgan Blatter va kunning boshqa muhim yangiliklari

“Daryo”da doimiy rukn — har ish kuni eng muhim yangiliklarning kechki dayjesti berib boriladi.

1. Toshkent shahrining olti tumani mahalla va mavzelarida namuna tariqasida videokuzatuv kameralari o‘rnatilishi boshlandi. Shahar hokimligi vakillarining aytishicha, agar fuqaro videokuzatuv xizmatidan foydalanishni istamasa, bu bo‘yicha ham alohida ish olib boriladi.

2. Turkiya bosh vaziri Rossiyani imperializmda aybladi. Davuto‘g‘li tinch aholi orasida qurbonlarga olib kelgan Suriyaning Idlib viloyatiga havo zarbalarini ham qoraladi.

3. Toshkentda Yangi yil tantanalari 28-dekabrda boshlanadi. Toshkentdagi Mustaqillik maydoni, Chilonzor tumani Algoritm dahasidagi Roison Elektronics korxonasi oldi hududi va Xadra maydoniga Yangi yil archalari o‘rnatilmoqda.

4. AQSh Sovet Ittifoqi bo‘ylab bermoqchi bo‘lgan yadroviy zarbalari nishonida O‘zbekiston shaharlari ham bo‘lgan. O‘zbekistonda asosan aerodromlarni yo‘q qilish rejasi bo‘lgan, biroq atom bomba tushadi-yu, zarari faqat jim turgan samolyotlarga ta’sir qilardimi?!

5. Zepp Blatter futboldan ketishini e’lon qildi. Eslatib o‘tamiz, FIFA Axloq qo‘mitasi kuni kecha Blatterni 8 yilga futboldan chetlatgan edi.