“Biz hech qachon erishgan natijamizda to‘xtab qolmaymiz” — bu Greenwhite Solutions kompaniyasi shioridir!
Avtomatlashtirish mumkin bo‘lgan barcha jarayonlarni avtomatlashtirish va biznesning turli sohalarini qamrab olish istagi Smartup menu nomli yangi dasturiy mahsulot ishlab chiqilishiga sabab bo‘ldi. Nomi inglizcha ikki so‘z — Smart (aqlli) va Startup (yangi loyiha)ning birikuvidan hosil bo‘lgan yangi dasturiy yechim biznesning istalgan sohasida oddiy va qulay yordamchi bo‘lish g‘oyasini ilgari suradi.
Greenwhite Solutions kompaniyasi dasturchilari innovatsion gadjetlardan biznesning turli sohalaridagi ish samaradorligini oshiruvchi vosita sifatida foydalanish g‘oyasini taklif qildi. Dastlabki ishlanmalar xalq iste’moli mollarini yetkazib berish bilan shug‘ullanuvchi tashkilotlar, tibbiyot kompaniyalari uchun ishlab chiqildi, savdo vakillarining faoliyatini avtomatlashtirishga yo‘naltirildi.
Doimiy rivojlanish, yangi yondashuvlarni izlash ishlari Greenwhite Solutions kompaniyasi ishlanmalarini HoReCa — mehmonxonalar, restoranlar, kafelar sohasi tomon boshlab keldi. Aynan shu sohada innovatsion Smartup menu mahsulotidan foydalanish biznesni rivojlantirishga, xizmat ko‘rsatish sifati va umuman faoliyat ko‘lamini oshirishga imkon beradi.
Restoran biznesi minglab mayda jihatlardan tashkil topgan bo‘lib, ularning hech biriga e’tiborsizlik qilib bo‘lmaydi. Shu sababli har bir restorator xizmat ko‘rsatish sifatini oshirishga harakat qiladi. Raqobatbardosh restoran bo‘lish uchun esa nafaqat oshpazlik mahoratiga, balki restoranning imidjini oshirishga sezilarli ta’sir qiluvchi xizmat ko‘rsatish texnikasiga ham diqqatni qaratmoq zarur.
Smartup menu — qog‘oz menyular o‘rnini egallash uchun ishlab chiqilgan interaktiv menyudir. Dasturiy mahsulot yorqin taassurot qoldiruvchi suratlar, har bir taomning to‘laqonli ta’rifi, tavsiyalar va hatto taomning tayyorlanish jarayonini ko‘rsata olishi bilan har bir taomni eng yaxshi tomondan taklif qilish imkoniyatini taqdim etadi. Menyuni planshetda ko‘rib chiqqan mehmon ko‘proq xaridlarni amalga oshirishi qayd etilgan, chunki taomlarning chiroyli suratlari ishtahani yanada karnay qiladi.
Endi restoran menyulari sahifalar yelimlangan zerikarli jild emas, balki interfeysi har bir muassasaning o‘ziga xos uslubidan kelib chiqqan holda tayyorlangan, restoranning takrorlanmas Hi-Tech imidjini yaratuvchi yuksak did bilan bezaklangan planshetdir. Bu nafaqat yangi mijozlarni jalb etish, balki mavjud mijozlarning qiziqishini yangilashga xizmat qiladi.
Smartup menu’ning ustunliklaridan biri — ishlanma restoran biznesi mijozlarining ko‘p millatli ekanligi va turli tillarda so‘zlashishini hisobga olgan holda tayyorlanganidir. Dasturiy mahsulot turli tillarni qo‘llab-quvvatlaydi va shu sababli muassasaning nafaqat mahalliy, balki chet ellik mehmonlari ham ortiqcha qiyinchilikka duch kelmaydi. Smartup menu’da narxlarni turli valyutalarda ko‘rsatish imkoniyati borligi esa mijozlar uchun yana bir qulaylikdir.
Bunday menyu bilan ishlash murakkab emas, chunki biror tuzatish yoki o‘zgartirish kiritish zarurati tug‘ilganida, yana qaytadan menyu ishlab chiqib, chop etish shart emas. Mahsulotning qulay interfeysi va imkoniyatlari istalgan zaruriy o‘zgartirishlarni yo‘l-yo‘lakay, ortiqcha vaqt va pul sarflamasdan amalga oshirish imkonini beradi.
Bunday elektron menyuni sinovdan o‘tkazish jarayonida, undan foydalanish faqat HoReCa sohasi bilan cheklanib qolmasligini, ishlanmadan qurilish, xo‘jalik, suvenir do‘konlari, elektronika va maishiy texnika magazinlari, libos butiklari, gul rastalari, go‘zallik salonlari va boshqa savdo nuqtalari — ma’lumotlar bazasini yuritish va mahsulotlarni namoyish etish zarurati bo‘lgan barcha joylarda elektron katalog sifatida foydalanish mumkinligini aniqladik.
Smartup kabi mahsulotlarni ishlab chiqish va rivojlantirlantirish — O‘zbekistonda zamonaviy texnologiyalar faol rivojlanayotgani hamda biznes va iqtisodiyotning turli sohalariga jalb etilayotganining yorqin dalilidir.
Aloqa ma’lumotlari
- Telefonlar: (+99871) 150-44-33, (+99894) 660-88-55
- Veb-sayt: http://menu.smartup.uz/
Izoh (0)