«Биз ҳеч қачон эришган натижамизда тўхтаб қолмаймиз» — бу Greenwhite Solutions компанияси шиоридир!
Автоматлаштириш мумкин бўлган барча жараёнларни автоматлаштириш ва бизнеснинг турли соҳаларини қамраб олиш истаги Smartup menu номли янги дастурий маҳсулот ишлаб чиқилишига сабаб бўлди. Номи инглизча икки сўз — Smart (ақлли) ва Startup (янги лойиҳа)нинг бирикувидан ҳосил бўлган янги дастурий ечим бизнеснинг исталган соҳасида оддий ва қулай ёрдамчи бўлиш ғоясини илгари суради.
Greenwhite Solutions компанияси дастурчилари инновацион гаджетлардан бизнеснинг турли соҳаларидаги иш самарадорлигини оширувчи восита сифатида фойдаланиш ғоясини таклиф қилди. Дастлабки ишланмалар халқ истеъмоли молларини етказиб бериш билан шуғулланувчи ташкилотлар, тиббиёт компаниялари учун ишлаб чиқилди, савдо вакилларининг фаолиятини автоматлаштиришга йўналтирилди.
Доимий ривожланиш, янги ёндашувларни излаш ишлари Greenwhite Solutions компанияси ишланмаларини HoReCa — меҳмонхоналар, ресторанлар, кафелар соҳаси томон бошлаб келди. Айнан шу соҳада инновацион Smartup menu маҳсулотидан фойдаланиш бизнесни ривожлантиришга, хизмат кўрсатиш сифати ва умуман фаолият кўламини оширишга имкон беради.
Ресторан бизнеси минглаб майда жиҳатлардан ташкил топган бўлиб, уларнинг ҳеч бирига эътиборсизлик қилиб бўлмайди. Шу сабабли ҳар бир ресторатор хизмат кўрсатиш сифатини оширишга ҳаракат қилади. Рақобатбардош ресторан бўлиш учун эса нафақат ошпазлик маҳоратига, балки рестораннинг имиджини оширишга сезиларли таъсир қилувчи хизмат кўрсатиш техникасига ҳам диққатни қаратмоқ зарур.
Smartup menu — қоғоз менюлар ўрнини эгаллаш учун ишлаб чиқилган интерактив менюдир. Дастурий маҳсулот ёрқин таассурот қолдирувчи суратлар, ҳар бир таомнинг тўлақонли таърифи, тавсиялар ва ҳатто таомнинг тайёрланиш жараёнини кўрсата олиши билан ҳар бир таомни энг яхши томондан таклиф қилиш имкониятини тақдим этади. Менюни планшетда кўриб чиққан меҳмон кўпроқ харидларни амалга ошириши қайд этилган, чунки таомларнинг чиройли суратлари иштаҳани янада карнай қилади.
Энди ресторан менюлари саҳифалар елимланган зерикарли жилд эмас, балки интерфейси ҳар бир муассасанинг ўзига хос услубидан келиб чиққан ҳолда тайёрланган, рестораннинг такрорланмас Hi-Tech имиджини яратувчи юксак дид билан безакланган планшетдир. Бу нафақат янги мижозларни жалб этиш, балки мавжуд мижозларнинг қизиқишини янгилашга хизмат қилади.
Smartup menu’нинг устунликларидан бири — ишланма ресторан бизнеси мижозларининг кўп миллатли эканлиги ва турли тилларда сўзлашишини ҳисобга олган ҳолда тайёрланганидир. Дастурий маҳсулот турли тилларни қўллаб-қувватлайди ва шу сабабли муассасанинг нафақат маҳаллий, балки чет эллик меҳмонлари ҳам ортиқча қийинчиликка дуч келмайди. Smartup menu’да нархларни турли валюталарда кўрсатиш имконияти борлиги эса мижозлар учун яна бир қулайликдир.
Бундай меню билан ишлаш мураккаб эмас, чунки бирор тузатиш ёки ўзгартириш киритиш зарурати туғилганида, яна қайтадан меню ишлаб чиқиб, чоп этиш шарт эмас. Маҳсулотнинг қулай интерфейси ва имкониятлари исталган зарурий ўзгартиришларни йўл-йўлакай, ортиқча вақт ва пул сарфламасдан амалга ошириш имконини беради.
Бундай электрон менюни синовдан ўтказиш жараёнида, ундан фойдаланиш фақат HoReCa соҳаси билан чекланиб қолмаслигини, ишланмадан қурилиш, хўжалик, сувенир дўконлари, электроника ва маиший техника магазинлари, либос бутиклари, гул расталари, гўзаллик салонлари ва бошқа савдо нуқталари — маълумотлар базасини юритиш ва маҳсулотларни намойиш этиш зарурати бўлган барча жойларда электрон каталог сифатида фойдаланиш мумкинлигини аниқладик.
Smartup каби маҳсулотларни ишлаб чиқиш ва ривожлантирлантириш — Ўзбекистонда замонавий технологиялар фаол ривожланаётгани ҳамда бизнес ва иқтисодиётнинг турли соҳаларига жалб этилаётганининг ёрқин далилидир.
Алоқа маълумотлари
- Телефонлар: (+99871) 150-44-33, (+99894) 660-88-55
- Веб-сайт: http://menu.smartup.uz/
Изоҳ (0)