LG Electronics Dual Door-in-Door (“Eshik ichida qo‘sh eshik”) funksiyasiga ega sovitgichlarining original dizayni uchun Compasso d’Oro nufuzli xalqaro mukofotga sazovor bo‘ldi. Mukofot “Taom pishirish uchun dizayn va anjomlar” yo‘nalishida topshirildi.
Yevropada o‘z turidagi eng qadimiy va hurmatli bo‘lgan mukofot 1954-yilda Italiyada ishlab chiqarilgan mahsulotlarga berish uchun o‘ylab topilgan. 2015-yilda tanlov birinchi marta Italiyadan tashqaridagi ishtirokchilar uchun ham ochildi. Da’vogarlar innovatsiya, kommunikativ sifatlar va maqsadga muvofiqlik mezonlari bo‘yicha baholandi. Taqdirlash marosimi 2-dekabr kuni Milanda bo‘lib o‘tdi.
LG’ning Door-in-Door (“Eshik ichida eshik”) konsepsiyasi sovitgichlar dizaynida inqilobni yuzaga keltirdi. Kompaniya qulaylikni oshirish maqsadida “eshik ichidagi eshik”ka yana bir bo‘limni qo‘shdi, natijada Dual Door-in-Door (“Eshik ichida qo‘sh eshik”) hosil bo‘ldi.
Dual Door-in-Door’ga ega sovitgichlarning turli bo‘linmalari undan foydalanishni ancha osonlashtiradi. Birgina tugmani bosish orqali tez-tez ishlatiladigan mahsulotlarni saqlash uchun mos tushadigan “Oilaviy” bo‘limiga kirish mumkin. “Taom pishirish” bo‘linmasiga chapda joylashgan dastakni yengilgina bosish orqali o‘tiladi.
“Ushbu nufuzli mukofot va e’tirofni qo‘lga kiritgan birinchi xalqaro kompaniyalardan biri bo‘lganimizdan boshimiz osmonda, bu biz uchun katta sharaf, — dedi LG Electronics kompaniyasi korporativ dizayn markazi direktori No Chang-xo. — Compasso d’Oro 2015 xalqaro mukofoti bilan taqdirlanishimiz LG kompaniyasi maishiy texnika sanoatida dizayn sohasida yetakchi ekanligini bildiradi”.
Reklama huquqi asosida
Izoh (0)