Klublar o‘rtasidagi jahon chempionati finalida “River Pleyt” darvozasiga 3 ta gol urgan “Barselona” bir yilda urilgan gollar soni bo‘yicha o‘z rekordini yangiladi, deb xabar qiladi “Stadion.uz”.
Jamoaning 2015-yilda urgan gollari soni 176 tani tashkil qildi. Bu klub tarixidagi eng yaxshi natijadir. 2012-yilda kataloniyaliklar 175 ta gol kiritishga muvaffaq bo‘lgandi.
Ushbu 176 ta goldan 142 tasi “Barsa”ning hujumkor uchligi — Messi, Neymar va Suares tomonidan urildi.
Enrike shogirdlari 2015-yildagi so‘nggi uchrashuvni 30-dekabr kuni La liganing 17-turi doirasida “Betis”ga qarshi o‘tkazadi.
Eslatib o‘tamiz, “Barselona” 3 karra klublar o‘rtasidagi jahon chempioniga aylandi.
Izoh (0)