Klublar o‘rtasida jahon chempionatining final bahsidan o‘rin olgan “Barselona” hamda “River Pleyt” jamoalari o‘rtasidagi uchrashuv o‘z nihoyasiga yetdi. Unda 3:0 hisobi qayd etilib, kataloniyaliklarning g‘alabasi bilan yakunlandi, deb xabar beradi “Uff.uz”.
O‘yinning dastlabki daqiqalaridanoq “Barsa” tashabbusni o‘z qo‘liga oldi va 36-daqiqaga kelib, Leo Messi hisobni ochdi.
Ikkinchi bo‘limning to‘rtinchi daqiqasidayoq Suares oradagi farqni ikkita to‘pgacha yetkazdi. 68-daqiqaga kelib esa yana urugvaylik hujumchining o‘zi hisobni yirik ko‘rinishga olib keldi.
Uchrashuv oxiriga qadar Enrike shogirdlari ortiqcha kuch sarflamay, final hushtagiga qadar 3:0 hisobini saqlab qoldi.
Shu tariqa, “Barselona” klublar o‘rtasida 3-marta jahon chempioni bo‘ldi. Bungacha kataloniyaliklar 2009 va 2011-yillarda ham jahonda tengsiz klubga aylangan.
Klublar o‘rtasida JCh. Final
Izoh (0)