Клублар ўртасида жаҳон чемпионатининг финал баҳсидан ўрин олган «Барселона» ҳамда «Ривер Плейт» жамоалари ўртасидаги учрашув ўз ниҳоясига етди. Унда 3:0 ҳисоби қайд этилиб, каталонияликларнинг ғалабаси билан якунланди, деб хабар беради «Uff.uz».
Ўйиннинг дастлабки дақиқалариданоқ «Барса» ташаббусни ўз қўлига олди ва 36-дақиқага келиб, Лео Месси ҳисобни очди.
Иккинчи бўлимнинг тўртинчи дақиқасидаёқ Суарес орадаги фарқни иккита тўпгача етказди. 68-дақиқага келиб эса яна уругвайлик ҳужумчининг ўзи ҳисобни йирик кўринишга олиб келди.
Учрашув охирига қадар Энрике шогирдлари ортиқча куч сарфламай, финал ҳуштагига қадар 3:0 ҳисобини сақлаб қолди.
Шу тариқа, «Барселона» клублар ўртасида 3-марта жаҳон чемпиони бўлди. Бунгача каталонияликлар 2009 ва 2011 йилларда ҳам жаҳонда тенгсиз клубга айланган.
Клублар ўртасида ЖЧ. Финал
Изоҳ (0)