Kelgusi yilda sayyohlar e’tiborini eng ko‘p jalb etuvchi joylarning ro‘yxati e’lon qilindi. Bu haqda The Mirror nashriga tayanib, “Korrespondent.net” xabar beradi.
Nashrning ta’kidlashicha, ushbu sayyohlik yo‘nalishlari yaqin vaqt ichida eng mashhur yo‘nalishlarga aylanadi.
Sayohat qilish uchun eng yaxshi mamlakatlar ro‘yxatida birinchi o‘rinni Peru egalladi. Ushbu davlat o‘zining afsonaviy qadimiy shahri Machu-Pikchu va o‘ziga xos madaniyati bilan qiziqarlidir.
Ikkinchi o‘rindan rohatbaxsh manzaralar va go‘zal plyajlarni xush ko‘ruvchilar uchun haqiqiy jannat hisoblanuvchi Kuba joy oldi.
Uchinchi o‘rin Chernogoriya, jumladan uning qadimiy Kotor shahriga nasib qildi.
Ro‘yxat o‘nligidan, shuningdek, Myanma, Islandiya, Kosta-Rika, Kalamat (Gretsiya) va San-Xose (AQSh) shaharlari, Puerto-Riko va Hindiston joy oldi.
Izoh (0)