2016 йилда саёҳат қилиш учун энг яхши 10 та жой эълон қилинди
Келгуси йилда сайёҳлар эътиборини энг кўп жалб этувчи жойларнинг рўйхати эълон қилинди. Бу ҳақда The Mirror нашрига таяниб, «Корреспондент.net» хабар беради.
Нашрнинг таъкидлашича, ушбу сайёҳлик йўналишлари яқин вақт ичида энг машҳур йўналишларга айланади.
Саёҳат қилиш учун энг яхши мамлакатлар рўйхатида биринчи ўринни Перу эгаллади. Ушбу давлат ўзининг афсонавий қадимий шаҳри Мачу-Пикчу ва ўзига хос маданияти билан қизиқарлидир.
Иккинчи ўриндан роҳатбахш манзаралар ва гўзал пляжларни хуш кўрувчилар учун ҳақиқий жаннат ҳисобланувчи Куба жой олди.
Учинчи ўрин Черногория, жумладан унинг қадимий Котор шаҳрига насиб қилди.
Рўйхат ўнлигидан, шунингдек, Мьянма, Исландия, Коста-Рика, Каламат (Греция) ва Сан-Хосе (АҚШ) шаҳарлари, Пуэрто-Рико ва Ҳиндистон жой олди.
