Tojikiston parlamenti quyi palatasi deputatlari respublika prezidenti Emomali Rahmonga Millat yetakchisi unvonini beruvchi qonun loyihasini ma’qulladi, deya xabar bermoqda “Mir 24”.
Vakillar palatasi a’zolari tomonidan bir ovozdan qabul qilingan hujjatda Rahmon, shuningdek, “tinchlik va milliy birdamlik asoschisi” deb atalgan. Hujjatni tayyorlashda barcha siyosiy partiyalar vakillari qatnashdi.
Emomali Rahmon 1992—1997-yilardagi fuqarolar urushiga barham bergani, shuningdek, iqtisodiy islohotlar o‘tkazgani uchun maqtovga sazovor deb topildi.
Endi hujjat parlamentning yuqori palatasiga ko‘rib chiqish uchun yo‘naltiriladi, so‘ng imzo uchun prezidentga taqdim etiladi.
“Millat Yetakchisi” rasmiy unvoniga MDH mamlakatlarida faqat bitta prezident — Qozog‘iston yetakchisi Nursulton Nazarboyev sazovor bo‘lgan.
Izoh (0)