Olimlar delfinlarning exolokatsion signallarini rasshifrovka qilib, ularda odam tasvirining aks etganligini aniqladi. Akustika fizikasi mutaxassislarining ushbu kashfiyoti haqida The Daily Mail nashriga tayanib “Hi-tech.mail.ru” xabar beradi.
Tajriba jarayonida dayver Jim MakDonou Meksikaning Kintana-Roo shtatida joylashgan Puerto-Aventuras shahridagi delfinariyning suv ostiga tushdi. Bundan tashqari suv ostiga delfinlarning signalini tutib oluvchi maxsus mikrofon tushirildi. Keyin to‘plangan signallar CymaScope tovushni tasvirga aylantirib beruvchi qurilma yordamida suratga aylantirildi.
CymaScope yaratuvchisi britaniyalik olim Jon Styuart Rid qurilma tovush vibratsiyasini suvning tebranishiga aylantirib berishini tushuntirdi. Video ko‘rinishida aks etgan exolokatsion signallar ortga qaytarib tomosha qilinganda, unda odam silueti aks etdi.
Tajriba delfinlar exolokatsiya yordamida obyektlarning nafaqat soyasini, balki ularning tashqi ko‘rinishini ham ko‘ra olishini isbotladi.
Tajriba postanovkachisi Jek Kassevits delfinlar bir-biri bilan suratlar tilida so‘zlashadi deb hisoblamoqda.
Izoh (0)