Kann kinofestivalining tashkilotchilari mehmonlar uchun kiyinish qoidalarini yangiladi. Bu haqda The Telegraph yozmoqda.
Endi qizil gilamda ham,“festivalning boshqa har qanday zonasida” ham tanaga yopishib turadigan turli darajadagi shaffoflikdagi “ochiq” liboslarda bo‘lish mumkin emas.
Shuningdek, uzun shleyfli kiyimlar ham taqiqlangan, chunki ular mehmonlarning harakatiga xalaqit berishi va zalda o‘tirishda qiyinchiliklar tug‘dirishi mumkin.
Qoidalarni buzganlar qizil gilamga kirgizilmaydi. Mehmonlarga dress kod sifatida konservativ kiyinish qoidalari taklif etiladi, bularga: kostyumlar, smokinglar, kechki uzun liboslar yoki qora rangdagi kokteyl liboslar, kostyum shimlar, bayramona koftalar va poshnali yoki poshnasiz bosonojkalar kiradi.
78-Kann kinofestivali 13-24-may kunlari o‘tkaziladi. Hakamlar hayʼatini fransuz aktrisasi Juliet Binosh boshqaradi.
Izoh (0)