Google qidiruv xizmati murakkab savollarga javob bera oladigan bo‘ldi

Google ovozli qidiruv xizmati murakkab so‘rovlarga javob berish va ularning ma’nosini yaxshiroq anglashni o‘rgandi, deya xabar bermoqda “Interfaks” kompaniya xabariga tayanib.

Qidiruv tizimi qay tarzda ishlashi quyidagi savol misolida ko‘rsatib berildi: “Angels beysbol jamoasi Jahon Seriyasini yutib olganida AQSh prezidenti kim bo‘lgan?”

Javobni qidirib topish uchun Google bir nechta harakatni amalga oshiradi. U savolni qismlarga bo‘lib, ularning har birini qidiradi, so‘ng axborotlarni solishtirib, javobni chiqarib beradi. Shu tariqa, quyidagi javob taqdim etiladi: Angels jamoasi Beysbol bosh ligasida hal qiluvchi o‘yinlar seriyasini yutib olganida, ya’ni 2002-yilda AQSh prezidenti Jorj Bush bo‘lgan.

Ayni paytda qidiruv tizimi faqat ingliz tilidagi murakkab so‘rovlarni anglay oladi.