AQSh Federal qidiruv byurosi Airbus A321 samolyotining halokati sabablarini tekshirishda Rossiya va Misrga yordam ko‘rsatishga tayyor ekanligini ma’lum qildi. Bu haqda “Gazeta.ru” xabar beradi.
“FQB Misr va Rossiyadagi hamkorlariga sud-kriminalistik yordam va boshqa xizmatlarni taklif qildi va yordam berishga tayyor. O‘tkazilayotgan tekshiruv yuzasidan bundan keyingi izohlar uchun Misr va Rossiyada ushbu tekshiruvni olib borayotganlarga murojaat qilishni taklif qilamiz”, — deydi boshqarma vakili.
Eslatib o‘tamiz, Rossiya rasmiylari AQSh Federal qidiruv byurosidan Misrda A321 samolyoti halokatini tekshirishda yordam so‘ragan edi.