5-noyabr, payshanba kuni Braziliyaning janubiy-sharqidagi Minas-Jerays shtatida damba qulashi natijasida 40 dan ortiq kishi bedarak yo‘qoldi. Bu haqda mamlakat yong‘in xizmati ma’lumotlariga tayanib, “RIA Novosti” xabar bermoqda.
Hodisa natijasida damba yaqinida joylashgan Bento-Rodriges qishlog‘i loyga ko‘milgan.
Mariana shahri yong‘in xizmati boshlig‘ining so‘zlariga ko‘ra, damba qulashi oqibatida 50 dan ortiq kishi jabrlangan, 17 nafar kishi halok bo‘lgan.
“Bedarak yo‘qolganlar soni 40 kishidan oshgan, ammo bu rasmiy ma’lumot emas”, — dedi yong‘in xizmati boshlig‘i.
Bundan oldin hodisa oqibatida 45 kishining bedarak yo‘qolgani va 15 kishining halok bo‘lganligi haqida ma’lumot berilgan edi.
Izoh (0)