Shimoliy Koreyada sayyohlar uchun noyabr oyidan boshlab antiqa tomosha — poytaxt Pxenyanni Mi-17 vertolyoti yordamida tomosha qilish taklif etiladi. Bu haqda “Korrespondent.net” xabar bermoqda.
Xitoyning Young Pioneer Tours agentligi vakili Rouen Birdning aytishicha, mazkur ekskursiya davomida Tedogan daryosi ustidan va 105 qavatli Ryugyong Hotel mehmonxonasi atrofida uchib o‘tish, dunyodagi eng katta stadionlardan biri May Day, mamlakat dohiylariga o‘rnatilgan haykallar, Koreya ishchi partiyasi monumentini yuqoridan kuzatish imkoni tug‘iladi.
Qiziq tomoni, vertolyotdagi sayohat davomida fotosuratga olishga ruxsat beriladi. G‘aroyib eskursiya 30—40 daqiqa davom etadi, narxi esa 195 dollardan iborat.
Eslatib o‘tamiz, norasmiy ma’lumotlarga ko‘ra, Shimoliy Koreyaga har yili 6 mingga yaqin turist (asosan xitoyliklar) tashrif buyuradi.
Izoh (0)