Pablo Pikasso tomonidan 1901-yilda, Parijga ko‘chib kelganidan so‘ng chizilgan kabare qo‘shiqchisi rasmi — La Gommeuse Sotheby's kimoshdi savdolarida 67,5 million dollarga sotildi. Bu haqda “RIA Novosti” xabar bermoqda.
Nyu-Yorkda Sotheby's auksion uyining kuzgi mavsumi davom etmoqda. 5-noyabr, payshanba kechki payt amerikalik milliarder Alfred Taubman kolleksiyasiga oid 200 ga yaqin san’at asarlari sotuvga qo‘yildi. Jumladan, Vinsent Van Gogning 1889-yilda chizgan “Momaqaldiroqli osmon peyzaji” 54 million dollar, Amedeo Modilyani mo‘yqalamiga mansub va 25 million boshlang‘ich narx qo‘yilgan “Poletta Jurden” portreti esa 42,8 million dollarga xarid qilindi.
Izoh (0)