Parijda korrupsiyada gumonlanib, hibsga olingan Yengil atletika federatsiyalari xalqaro assotsiatsiyasi (IAAF) sobiq prezidenti Lamin Diak Butunrossiya yengil atletika federatsiyasidan 200 ming yevro olganlikda gumon qilinmoqda. Bu haqda Fransiya hukumati vakillariga tayanib, Associated Press xabar berdi, deb yozadi “Interfaks”.
Taxminlarga ko‘ra, Diak rossiyalik yengil atletikachilar tomonidan doping qabul qilinishi holatlarini yashirish uchun Rossiyadan pora olgan.
Ayblov IAAF huquqiy maslahatchisi Habib Sissaga nisbatan ham qo‘yilgan. Bundan tashqari, Nitssada IAAF dopingga qarshi bo‘limi sobiq direktori Gabriel Dolle ham qo‘lga olindi.
Lamin Diak IAAF’ni 1999-yil noyabridan 2015-yil avgustigacha boshqargan.
Izoh (0)