Google’ning Rossiyadagi bo‘linmasi, Misrda Rossiyaning Airbus A321 layneri halokatga uchragani munosabati bilan, qidiruv qatorida chiquvchi suratni almashtirdi. “Exo Moskvi” xabariga ko‘ra, u yerda Xellouin ramzi o‘rniga aviahalokat qurbonlari xotirasiga hurmat belgisi sifatida qora tasma ko‘rinib turibdi.
O‘z navbatida, Rossiyadagi ommabop “VKontakte” ijtimoiy tarmog‘i matbuot kotibi Georgiy Lyubushkinning Twitter’dagi sahifasida ma’lum qilishicha, motam munosabati bilan tarmoqning bosh qarorgohi joylashgan Sankt-Peterburgdagi Zinger uyi gumbazi 1-noyabr kuni mahalliy soat 0:00 dan boshlab o‘chirib qo‘yilgan.
Eslatib o‘tamiz, 31-oktabr, shanba kuni Misrda Metrojet (“Kogalimavia”) aviakompaniyasining Sharm-ash-Shayxdan Sankt-Peterburgga uchayotgan Airbus A321 layneri halokatga uchradi. Samolyot bortida bo‘lgan 224 kishining barchasi halok bo‘ldi. Aviahalokatga texnik nosozliklar sabab bo‘lgan bo‘lishi mumkin.
Izoh (0)