Google’нинг Россиядаги бўлинмаси, Мисрда Россиянинг Airbus A321 лайнери ҳалокатга учрагани муносабати билан, қидирув қаторида чиқувчи суратни алмаштирди. «Эхо Москви» хабарига кўра, у ерда Хэллоуин рамзи ўрнига авиаҳалокат қурбонлари хотирасига ҳурмат белгиси сифатида қора тасма кўриниб турибди.
Ўз навбатида, Россиядаги оммабоп «ВKонтакте» ижтимоий тармоғи матбуот котиби Георгий Любушкиннинг Twitter’даги саҳифасида маълум қилишича, мотам муносабати билан тармоқнинг бош қароргоҳи жойлашган Санкт-Петербургдаги Зингер уйи гумбази 1 ноябрь куни маҳаллий соат 0:00 дан бошлаб ўчириб қўйилган.
Эслатиб ўтамиз, 31 октябрь, шанба куни Мисрда Metrojet («Когалимавиа») авиакомпаниясининг Шарм-аш-Шайхдан Санкт-Петербургга учаётган Airbus A321 лайнери ҳалокатга учради. Самолёт бортида бўлган 224 кишининг барчаси ҳалок бўлди. Авиаҳалокатга техник носозликлар сабаб бўлган бўлиши мумкин.
Изоҳ (0)