“Toshkent” markaziy seysmik stansiyasining “Daryo”ga ma’lum qilishicha, 26-oktabr, dushanba kuni Toshkent vaqti bilan 14:09 da Afg‘onistondagi Hindikush tog‘larida ro‘y bergan 7,5 magnitudali zilziladan keyin 100 dan ortiq aftershoklar qayd etilgan.
Takroriy zilzilalarning ikkitasi Toshkentda ham sezilgan va ularning kuchi 2 ballni tashkil etgan. Termizda esa magnituda kuchi biroz yuqoriroq bo‘lgan.
Ma’lumot uchun. Aftershok — asosiy seysmik zarbaga qaraganda kuchsizroq bo‘lgan takroriy seysmiy silkinishlar. Kuchli zilzilalar har doim o‘z ortidan ko‘plab aftershoklarni boshlab keladi. Ularning soni va magnitudasi vaqt o‘tishi bilan kamayib boradi.
Eslatib o‘tamiz, Afg‘onistonning Hindikush tog‘larida yuz bergan yer silkinishi bir qator qo‘shni davlatlar, jumladan, O‘zbekistonda ham sezilgan. Zilzila kuchi Termizda 5,5, Toshkent va Samarqandda 5, Farg‘onada 4, Andijon va Namanganda 3 magnitudani tashkil etgan. Favqulodda vaziyatlar vazirligi matbuot xizmati sodir bo‘lgan zilzila natijasida O‘zbekistonda qurbon bo‘lganlar va vayronagarchiliklar qayd etilmaganini ma’lum qilgan.
Izoh (0)