Barbadoslik qo‘shiqchi Rianna va kanadalik Jastin Biber MTV European Music Awards mukofotini qo‘lga kiritdi, deb xabar beradi mukofot rasmiy sayti. Taqdirlash marosimi 25-oktabr kuni Milanda bo‘lib o‘tdi.
Biber to‘rtta: “Eng yaxshi hamkorlik”, “Eng katta fan-klub”, “Eng yaxshi obraz” va “Shimoliy Amerikadagi eng yaxshi konsert” kategoriyalari bo‘yicha mukofotni qo‘lga kiritdi.
Britaniyalik qo‘shiqchi Ed Shiran jonli chiqish uchun MTV haykalchasini oldi. “Xalqaro shou” kategoriyasi bo‘yicha mukofot ham unga nasib qildi.
One Direction guruhidagi inglizlar pop musiqada, ularning Coldplay’dagi yurtdoshlari rokda, amerikalik Lana Del Rey va Niki Minaj – alternativ va xip-xopda eng yaxshi ijrochilar deb tan olindi.
Izoh (0)