Барбадослик қўшиқчи Рианна ва канадалик Жастин Бибер MTV European Music Awards мукофотини қўлга киритди, деб хабар беради мукофот расмий сайти. Тақдирлаш маросими 25 октябрь куни Миланда бўлиб ўтди.
Бибер тўртта: «Энг яхши ҳамкорлик», «Энг катта фан-клуб», «Энг яхши образ» ва «Шимолий Америкадаги энг яхши концерт» категориялари бўйича мукофотни қўлга киритди.
Британиялик қўшиқчи Эд Ширан жонли чиқиш учун MTV ҳайкалчасини олди. «Халқаро шоу» категорияси бўйича мукофот ҳам унга насиб қилди.
One Direction гуруҳидаги инглизлар поп мусиқада, уларнинг Coldplay’даги юртдошлари рокда, америкалик Лана Дел Рей ва Ники Минаж – алтернатив ва хип-хопда энг яхши ижрочилар деб тан олинди.
Изоҳ (0)