Agar tomonlar haqiqatda ittifoqdosh bo‘lsa, AQSh Yevropa kompaniyalariga qarshi sanksiyalar qo‘llay olmaydi. Ularga jarima solish orqali Vashington Yevroittifoqqa nisbatan vassal (o‘ziga tobe davlat) kabi munosabatda bo‘ladi. Bu haqda Rossiya prezidenti Vladimir Putin “Valday” klubi yalpi majlisida aytib o‘tdi, deb yozadi “Interfaks”.
“Bugungi global iqtisodiyotdagi haqiqat — bu sanksiya urushlari”, — dedi Putin va ushbu cheklovlar raqobatchilarni bozordan siqib chiqarish uchun qo‘llaniladigan insofsiz raqobat vositalari ekanligini ta’kidladi.
Prezident misol sifatida Yevropa kompaniyalariga nisbatan AQSh tomonidan qo‘llanilayotgan “jarimalar epidemiyasi”ni keltirdi va bunday munosabat “o‘zboshimchalik bilan harakat qilishga jur’at etgan vassallarga nisbatan” ko‘rsatilishini qayd etdi.
Izoh (0)