Yasagan soati bombaga o‘xshagani uchun hibsga olingan Irving shahridagi (AQSh) maktabning 9-sinf o‘quvchisi, 14 yoshli Ahmad Muhammad o‘qishni davom ettirish uchun Qatarga ko‘chib o‘tish taklifini qabul qildi. Bu haqda “RIA Novosti” xabar bermoqda.
“Biz takliflarning barchasini o‘rganib chiqdik va ular orasidan Qatar ta’lim, fan va ijtimoiy taraqqiyot fondining yosh ixtirochilar dasturida qatnashish taklifini qabul qildik”, — deya ma’lum qilgan o‘quvchining oilasi.
Ahmad Muhammad oilasi bilan Doxaga jo‘naydi va u yerda maktabning yuqori sinflari hamda kollejda ta’lim oladi. Uning ukalari va singillari ham mahalliy maktablarga qatnaydi.
Eslatib o‘tamiz, oldinroq Ahmad Irvingdagi maktabida ro‘y bergan voqeadan so‘ng bu yerda o‘qishni istamayotganligi ma’lum qilingan edi.
Izoh (0)