Qozog‘istonlik ayol o‘zi bilan birga Xitoydan 15 ta mobil telefon olib o‘tishga harakat qildi

Chegara qo‘shini xizmatchilari o‘zi bilan birga Xitoyda ishlab chiqarilgan 15 ta mobil telefonni Xitoydan olib kirmoqchi bo‘lgan ayolni Qozog‘iston-Xitoy chegarasida ushladi. Bu haqda, “Nur.kz” xabar bermoqda.

Voqea, chegara qo‘shini nazoratining Xorgos bo‘linmasida 18-oktabrda sodir bo‘lgan, deya xabar beradi Qozog‘iston Respublikasi Milliy xavfsizlik qo‘mitasi chegara xizmatining matbuot xizmati.

Chegara qo‘shini xizmatchilariga Qozog‘istonga kirib kelayotgan 33 yoshli fuqaro ayolning xatti-harakati va kiyimi shubhali ko‘ringan.

Shaxsiy tintuvdan o‘tkazilganda uning ustki kiyimi ostida, tanasida, mobil telefonlar topilgan. Ayol topilgan texnik ashyolar bilan birgalikda Oltinko‘l bojxona postiga topshirildi.