Qarzlarni to‘lash muddatini qayta ko‘rib chiqish (restrukturizatsiya)da ishtirok etayotga kreditorlarning asosiy qismi — 75 foizi Ukraina qarzining 20 foizidan voz kechishni qo‘llab-quvvatladi. Bu haqda Ukraina bosh vaziri Arseniy Yatsenyuk ma’lum qildi, deb yozadi “Segodnya.ua”.
“Ukraina kreditorlarining ko‘pchiligi — kreditorlar qo‘mitasidagi ovozlarning 75 foizi Ukrainaning jami qiymati 3 milliard dollarlik qarzidan voz kechish va yana 8,5 milliard dollar qarzni restrukturizatsiya qilish haqida qaror qabul qildi”, — dedi hukumat rahbari.
Yatsenyuk Rossiya restrukturizatsiyaga rozi bo‘lmaganini ta’kidladi.
Eslatib o‘tamiz, avvalroq Moskva Kiyev tomonidan qarzning qaytarilishiga erishmoqchiligi, aks holda, Rossiya Ukrainani sudga berishi haqida xabar qilingan edi.
Izoh (0)