Madridning “Real” futbol klubi hujumchisi Krishtianu Ronaldu podiumga chiqib, o‘ziga tegishli CR7 brendining yangi kolleksiyasi buyumlarini namoyish etdi. The Hypebeast nashri xabariga ko‘ra, taqdimot Portugaliyaning Gimaraynsh shahrida bo‘lib o‘tgan.
“Avvaliga biroz asabiylashdim. Bu men uchun yangilik bo‘ldi, biroq baribir mazza qildim”, — dedi futbolchi. Ronalduning qo‘shimcha qilishicha, yangi kolleksiya taqdimotini o‘z vatanida o‘tkazish uning uchun katta sharaf.
Taqdimot davomida yangi poyabzal modellari namoyish etildi. CR7 brendi ostida, shuningdek, ichki kiyim va ko‘ylaklar ishlab chiqariladi, 2015-yil yozida esa Ronaldu tez orada atirlarni ishlab chiqarishni rejalashtirayotganini ma’lum qilgandi.
2014-yili Goal.com portali Ronalduni jahonning eng badavlat futbolchisi sifatida tan olgandi. Tahlilchilar uning boyligini 210 million yevroga baholagan. Portugaliyalik sportchi “Real” bilan tuzilgan shartnoma hamda Toyota, Nike, Herbalife, Emirates, Castrol, Samsung va boshqa brendlar bilan yo‘lga hamkorlik ortidan shuncha pul ishlab topgan.
Izoh (0)